тылеч

Тылеч вара после этого;

тылеч коч более этого, сверх этого;

тылеч кугу больше этого (больше, чем это);

тылеч кӱкшӧ выше этого (выше, чем это);

тылеч ончыч до этого, раньше;

тылеч посна кроме (помимо) этого;

тылеч сай лучше этого;

тылеч утла (количеством) больше этого;

тылеч моло иное (кроме этого) что-то.

Тылеч умбакыже адакат йӧсӧ лиеш. М. Шкетан. Впредь (букв. дальше этого) снова будет трудно.

Мемнан школна тылеч уда лийшаш огыл! В. Косоротов. Наша школа не должна быть хуже этого!

Тылеч тембалне почто уке. М.-Азмекей. Ближе этого нет почты.

Тылеч гоч мом ойлет. Более этого что скажешь (нечего сказать).

Идиоматическое выражение. Основное слово:

Ала-кунамсе историй давнишняя история.

Тиде тӧва – ала-кунамсе пӱян олмыжо. «Мар. альм.» Этот холмик – следы давнишнего пруда.

Ала-кунамсым шарнаш помнить очень давнее.

Ушыжо тудым ала-кунамсыш, тылеч ончычсыш, кусарыш. П. Корнилов. Память перенесла его в давние времена.

Аҥысыр корно узкая дорога;

аҥысыр йолаш узкие брюки;

аҥысыр шинча узкие глаза;

аҥысыр оҥа узкая доска.

Изи вичкыж капан, аҥысыр шӱргывылышан марий шинчажым каралтен колтыш. Н. Лекайн. Маленького роста, тонкий, с узким лицом мужик вытаращил глаза.

Уржа пасу гоч аҥысыр корно дене олачан-вулачан койын, еҥ-влак йогат. Д. Орай. По узкой дороге через ржаное поле, пестрея, текут люди.

Тылеч коч, Большаковын тематикыже аҥысыр. А. Казаков. Более того, у Большакова тематика ограниченная.

Варвушын илыш умылымашыже моткоч аҥысыр. С. Эман. У Варвуша очень ограничено понимание жизни.

Вӱдшын аҥысыржым палем ыле гын, келге пушетым ом нал ыле. Муро. Если бы знал узость реки, не взял бы глубокой лодки.

Идиоматические выражения:

Уремеш вашлияш встретить на улице;

еҥым вашлияш встретить человека.

Марий пеш ойгырен мӧҥгыжӧ кая. Рывыжым корнеш вашлиеш. С. Чавайн. В большом горе мужик отправляется домой. По дороге встречает лису.

Унам вашлияш принимать (принять) гостья.

Шкат паледа: ӧрдыж верыш первый гана толшо еҥым поснак пагален вашлийыт. «Ончыко» Сами знаете: человека, впервые прибывшего со стороны, принимают с особым уважением.

Становой пристав Лазыр Якимым ныжылгын вашлие. Н. Лекайн. Становой пристав принял Лазыр Якима вежливо.

Клубышто шинчыше-влак председательын мутшым рӱжге совым кырен вашлийыч. Й. Ялмарий. Люди, сидящие в клубе, встретили слова председателя дружными аплодисментами.

Тиде «Родина» колхозын молодёжьшо клубышто У ийым вашлиеш. М. Емельянов. Это молодёжь колхоза «Родина» встречает Новый год в клубе.

Май пайремым тыге вашлийна. Мы так встретили майский праздник.

Тылеч вара Светлана ден Альберт кеҥеж каникул годым гына вашлийыныт. В. Иванов. После этого Светлана и Альберт встретились только во время летних каникул.

Курык ден курык ваш огыт лий, айдеме ден айдеме кунам-гынат вашлийыт. Калыкмут. Гора с горой не сходится, а человек с человеком когда-нибудь да встретится.

Урым лӱйымек, чодыра орол дене вашлияш ок йӧрӧ. С. Чавайн. После того, как подстрелишь белку, негоже встречаться с охранником леса.

Сборный команда-влак футбол дене йолташла матчыште вашлийыныт. Сборные команды встретились в товарищеском матче по футболу.

Пырыс йолжо дене пылыш гоч мушкеш – йӱрлан, шӱргыжым мушкеш – оярлан. Пале. Кошка умывается ножкой через ухо – к дождю, моет лицо – к ясной погоде.

Корем гоч кӱвар воктенат ала-могай пушеҥге уло. Н. Лекайн. Около моста через овраг растёт какое-то дерево.

Корто вӱд вончымек, корно гоч мераҥ кудале. С. Чавайн. Когда переехали реку Корта, через дорогу перебежал заяц.

Тумер гоч кайыше йолгорно дене ошкылам. М.-Азмекей. Иду по тропинке, которая тянется через дубраву.

Янда гоч кече пырт ырыкта гынат, пӧртеш олтымо гынат, тудын шоҥго могыржым ниможат ок ырыкте. Ю. Артамонов. Хотя солнышко через стекло чуточку греет, хотя в избе и натоплено, его старое тело ничто уж не согреет.

Кеҥеж гоч вольыкым кӱта, шыжым акым налеш. А. Тимофеев. В течение лета он скот пасёт, осенью получает оплату.

Сусырген толмекыже, Пӧтыр кеҥеж гоч паша ыштыде илыш. М. Шкетан. Возвратившись домой после ранения, Пётыр всё лето жил не работая.

Ачий, телевизор гоч мыйымат ужынат вет? Г. Пирогов. Папа, ты ведь видел меня по телевизору?

Колмыда семынак умылыза, – переводчик гоч полковник пелештыш. В. Юксерн. Поймите, как слышали, – ответил полковник через переводчика.

Кидше гоч пӱтынь капем ылыжын. Й. Ялмарий. Через его руки всё моё тело разогрелось.

Тойкансола тора огыл, ик уштыш деч гоч ок лий. М.-Азмекей. До Тойкансолы недалеко, более одного километра не будет.

Шкежы гач иктымат шотеш ак пишты. Н. Ильяков. Кроме себя, он никого не признаёт.

Идиоматические выражения:

Ӱдыр сумкаж гыч фотокарточкым лукто. А. Асаев. Девушка достала из сумки фотокарточку.

Эчан ӱстелтӧр гыч лекте. Н. Лекайн. Эчан вышел из-за стола.

Кум эргышт гыч иктыже – шофёр, весыже – ял озанлык механизатор, пытартышыже – пароходын машинистше. М.-Азмекей. Из трёх сыновей один – шофёр, другой – сельский механизатор, а последний – машинист парохода.

Тувыртыш гыч ӱйым ышташ ок лий. Калыкмут. Из творога масла не собьёшь.

Автоматым кажнылан налаш, тылеч посна кум-ныл граната гыч налза, кӱлеш лиеш. Н. Лекайн. Каждому взять автоматы, кроме того, берите по три-четыре гранаты, пригодятся.

Модыш гыч лодыш лиеш. Калыкмут. От игры несчастье будет.

Ну и игече! – мут уке гыч тӱҥале толшо еҥ. Н. Лекайн. Ну и погода! – не находя других слов, начал пришелец.

Ик шагат гыч через час.

Кок арня гыч товарищеский суд лие. А. Асаев. Через две недели состоялся товарищеский суд.

А молан вара тый декет толгыч огыт кой? Н. Лекайн. А почему тогда не видно, что к тебе идут?

Шӱдӧ метр кокла гыч лӱяш. Стрелять на расстоянии ста метров.

Апшат тудын дек мийышат, вуйжо гыч ниялтен колтыш. Н. Лекайн. Кузнец подошёл к нему и погладил по голове.

Олю воштылмо йӧре пелештыш, но мыйым кидпӱан гыч ыш нал. Й. Ялмарий. Оля сказала сквозь смех, но меня под ручку не взяла.

Капка шеҥгелне, кудывечыште, Ондри Япык ден ватыже шыпак шогат, шелше гыч уремыш ончат. Н. Лекайн. За воротами, во дворе, тихо стоят Ондри Япык с женой, сквозь щель смотрят на улицу.

Пашазе еш гыч из рабочей семьи.

Терентий Марнуш гаяк нужна еш гыч. М. Евсеева. Терентий, как и Марпуш, из бедной семьи.

Кайыкым чоҥештымыж гычак палат. Калыкмут. Птицу узнают по полёту.

Идиоматические выражения:

Театр нерген йодышташ расспрашивать о театре;

кужун йодышташ долго расспрашивать.

Ӱдыр мыйын заводышто пашам ыштымем пален налынат, ола ден завод илыш нерген йодыштеш. А. Асаев. Девушка, узнав о том, что я работаю на заводе, расспрашивает меня о жизни в городе и на заводе.

Становой пристав Комелин Кожеръял марий-влакым иктын-иктын пуртен йодыштеш. Н. Лекайн. Становой пристав Комелин допрашивает кожеръяльских марийцев по одному.

Тылеч ончыч мыйым дивизийын особый отделыштыже йодыштыныт. А. Тимофеев. До этого меня допрашивали в особом отделе дивизии.

Составные глаголы:

Идиоматические выражения:

Тылеч вара кок арня эртыш. Йӱштерге ала-кушеч толын лекте. А. Филиппов. После этого прошло две недели. Вдруг наступили сильные морозы.

Мый нунылан (йоча-влаклан) йӱштӧ-шокшо кузе лиймым, кӱдырчан йӱрын кушеч лекмыжым умылтарем. А. Эрыкан. Я объясняю детям, как получается холод и тепло, почему бывает гроза.

Кеҥеж гоч толашет: йӱштӧ-шокшо, йӱр, лавыра, пурак – чыла чытет. М. Шкетан. Стараешься всё лето: холод и жара, дождь и слякоть, пыль – всё выдержишь.

Тылеч вара Настилан йӱштӧ-шокшым ужаш ятыр перныш. Н. Лекайн. После этого Насти пришлось терпеть много невзгод.

Сравни с:

Идиоматические выражения:

Тылеч вара шуко каторжаниным вес централыш колтышт. С. Чавайн. После этого многих каторжан отправили в другой централ.

Сравни с:

Серышым колташ послать письмо;

командировкыш колташ послать в командировку;

фронтыш колташ отправить на фронт;

практикыш колташ направить на практику.

– Мый тый дечет ом код, – пеҥгыдын пелештыш Чачи. – Тыйым кушко колтат, мыят тушко каем. С. Чавайн. – Я не отстану от тебя, – твёрдо сказала Чачи. – Куда тебя пошлют, и я туда поеду.

– Кӧ тыйым колтен? – йодо Качырий. З. Каткова. – Кто тебя прислал? – спросила Качырий.

(Папка кува:) Юмо тыланет пиалым колта! Н. Арбан. (Старуха Папка:) Бог пошлёт тебе счастье!

Андрей Санян кидшым ок колто, шинчашкыже онча. М. Евсеева. Андрей не отпускает руку Сани, смотрит в её глаза.

Мыйым госпиталь гыч ик жаплан мӧҥгӧ колтышт. В. Дмитриев. Из госпиталя меня на некоторое время отпустили домой.

(Шумелёв:) Колхоз кассе гыч тидлан лӱмын оксам колтена. Н. Арбан. (Шумелёв:) На это мы из колхозной кассы специально отпускаем деньги.

Ӱштым колташ ослабить ремень.

– Молан кандырам шыч колто? Имнетше тулен гын, тек кудалже ыле. Б. Данилов. – Почему не отпустил верёвку? Раз лошадь взбесилась, пусть бы скакала.

Кужу ӱпым колташ отрастить длинные волосы.

Зосим Лаврентьев искусствын южо жрецше семын ӧрыш ден пондашымат колтен огыл. «Ончыко» Как некоторые жрецы искусства, Зосим Лаврентьев не отпустил усов и бороды.

Келгыш колташ отпустить глубоко;

ер пундашке колташ отпустить на дно озера.

– Почтым конденам, лончыш колтышым, – тӱнӧ пӧръеҥ йӱк шоктыш. А. Ягельдин. – Я почту принёс, в щель отпустил, – послышался во дворе мужской голос.

Машинам ходыш колташ пустить в ход машину.

Моторым колтышт. Е. Янгильдин. Пустили мотор.

Даря куштылго музыкым колтыш. В. Косоротов. Даря включила лёгкую музыку.

Пулемётный очередьым колташ пустить пулемётную очередь.

– Ракетым колтышт кӱшкӧ вик! Кок минут гыч адак весымколтышт. Ю. Артамовов. – Пустили ракету, прямо ввысь! Через две минуты пустили ещё другую.

Теве ораде эргыда Гришна ӱмбак пийым колтен пурыктыш. И. Васильев. Вот ваш ненормальный сын на нашего Гришу пустил собаку, и она его искусала.

Вожым колташ пускать корни.

Пушеҥге лышташым колтыш. Деревья распустили листья.

Ушкалымат шаҥгак колтеныт. М.-Ятман. И коров давно выгнали.

Тоям колта корак ӱмбак – Ок перне чуч гына окнаш. А. Бик. Бросает палку на ворону – чуть не попал в окно.

Колыштыда гын, тыланда ик йомакым колтем. Б. Данилов. Если будете слушать, я вам одну сказку расскажу.

Ялыште тыйын нерген манеш-манешым колтеныт. В деревне о тебе распространили сплетни.

Зинон трибунышто шога, мотор ӱдырым шинча гычше ок колто. «Мар. ком.» Зинон стоит на трибуне, не упускает из виду красивую девушку.

Тылеч ончыч гына сестра Иван Григорьевичлан тазалыкшым кучаш вӱрым колтен ыле. «Ончыко» Для поддержки здоровья Ивана Григорьевича сестра незадолго до этого влила кровь.

– Сита, ачай. Мыняр гана шупшалаш лиеш. Тӱрвем гыч чиям колтет. Ю. Артамонов. – Отец, хватит. Сколько раз можно целовать. С моих губ сотрёшь краску.

Ончыко колташ пропустить вперёд.

Кӱртньӧ корно пашаеҥ-влак кугыжан поездым Петроградыш колтен огытыл. С. Чавайн. Железнодорожные рабочие царский поезд в Петроград не пропустили.

Шовыч мардежым колта платок пропускает ветер;

кем вӱдым колта сапоги пропускают воду;

резина токым ок колто резина не пропускает ток.

Кеч-могай игече шогыжо, (калнык) шке воштшо йӱштымат, шокшымат ок колто. А. Юзыкайн. При любой погоде деревянная посуда из бруска липы не пропускает ни холод, ни тепло.

Пуалтыме машина гоч колташ пропустить через веялку.

(Володя:) Коло-кумло литр шӧрым налаш да сепаратор гоч колташ. П. Эсеней. (Володя:) Взять литров двадцать-тридцать молока и пропустить через сепаратор.

Делам судыш колташ направить дело в суд.

Конешне, тудым (Ялкановым) таче чот наказатлаш лиеш, а можыч, делам прокуратурышкат колташ логалеш. П. Корнилов. Конечно, сегодня Ялканова можно сильно наказать, а может, придётся дело передать в прокуратуру.

Радио дене у мурым колтат по радио передают новую песню.

– Тый у приёмник гоч сигналым колтенат, – йоча-влак воштылыт. В. Орлов. – По новому приёмнику ты передал сигнал, – смеются дети.

Кече шокшым колта солнце излучает тепло;

кече волгыдым колта солнце излучает свет.

– О-о, шоҥгет кузе колта! Я. Ялкайн. – Вот как даёт старый!

Сравни с:

Модын колташ проиграть;

нелын колташ проглотить;

луктын колташ выпустить;

поктен колташ прогнать;

шортын колташ заплакать;

шӱшкалтен колташ засвистеть.

Пӧръеҥ-влак рӱж воштыл колтышт. П. Корнилов. Мужчины дружно засмеялись.

Составные глаголы:

Идиоматические выражения:

Кукшо корем сухой овраг;

кумда корем лог, широкий овраг;

келге корем глубокий овраг.

Коремым веле вончаш. М. Казаков. Надо только перейти овраг.

Терыс вӱдлан йогашыже коридор кок могырышшыжо корем уло. К. Березин. Для стока навозной жижи с двух сторон коридора имеются желобки.

Пӱя ӱмбалне пел аршын лопкыш, шеч келгыт корем вашке лийын шуэш. С. Чавайн. На запруде скоро образуется прорыв шириной в поларшина и глубиной с пядь.

Ял воктечын корем дене ший ока гай эҥер йоген вола. Н. Лекайн. Рядом с деревней в впадине протекает река, словно серебряная лента.

Какшан коремын эн кугу озажым кучышыч! А. Айзенворт. Ты поймал самого большого хозяина реки Кокшаги!

Тылеч вара Маша ден Оксин коклаште корем койын келгемаш тӱҥале. П. Корнилов. С этого времени между Машей и Окси стала заметно углубляться трещина.

(Еленан) шӱргыжӧ иканаштак куптырген шапалга, шинчапун коклаште кок келге корем палемдалтеш, шинчажат вола. А. Эрыкан. У Елены лицо как-то сразу сморщивается и бледнеет, между бровями отмечаются две глубокие складки, глаза проваливаются.

Корем пундаш дно оврага;

корем тайыл склон оврага;

корем сер (тӱр) край оврага;

корем чоҥга приовражная терраса;

корем аҥ устье оврага;

корем вож место соединения оврагов.

Корем лапым нугыдо ош тӱтыра ыш авалте. В. Сапаев. Плотный белый туман не охватил приовражную низину.

Кас кочкыш ужин;

кочкышым ямдылаш готовить пищу, еду.

Кишкын йӧратыме кочкышыжо – ужава. Ф. Майоров. Любимый корм змей – лягушки.

Кочкышым йоҥылыш шолтат гын, тушеч витамин йомеш. Я. Ялкайн. Если пищу готовят неправильно, то в нем пропадают витамины.

Кочкышым саемдаш улучшить питание.

Телылан школыштак шокшо кочкыш лиеш. В. Иванов. К зиме прямо в школе будет горячее питание.

Кочкышлан тылеч кугу роскотым ышташ огеш лий. Н. Лекайн. На питание больше этого нельзя расходовать.

Сравни с:

Кочкыш продукт пищевые продукты; продукт(ы) питания;

кочкыш пудырго крошки еды;

кочкыш ӱпш запах еды, пищи.

Кушкыл кочкыш веществам шке улшо среда гыч веле налын кертеш. «Ботаника» Растение может получить питательные вещества только из окружающей его среды.

Идиоматические выражения:

Саде тавыште кум-ныл пайдан вӱд кошталалтеш, тылеч шукыжо нигунам ок пуро. М. Шкетан. В том колодце набирается три-четыре бадьи воды, более никогда не набирается.

Кукурузым ӱдаш сеять кукурузу.

Тений у сорт кукурузым шкенан опытный участкеш лукмо. В. Сапаев. Нынче на нашем опытном участке выведен новый сорт кукурузы.

Мыйын пошкудем шошым олаш миенат, ик пуд кукурузым налын конден. «Ончыко» Моя соседка весной ездила в город и привезла пуд курузы.

Кукурузвуй кукурузный початок;

кукуруз нӧшмӧ семена кукурузы.

Кукуруз пырчым шындымеке, икмыняр кече гыч нуно шырге лектыч. «Ончыко» Через несколько дней после посадки кукурузные зёрна взошли дружно.

Тылеч вара Марпа эргыжлан кукуруз немырым пукшаш тӱҥале. С тех пор Марпа стала кормить своего сына кукурузной кашей.

Мӧҥгеш-оньыш куржталаш бегать взад-вперёд;

модын куржталаш играть, бегать, играя;

ӱчашен куржталаш бегать напорегонки;

мече почеш куржталаш бегать за мячом.

Эше изи ӱдыр улмем годым олыкла ден пасулаште, лӱҥгалт шогышо уржа да кандывуй пеледыш коклаште чарайолын куржталынам. З. Каткова. Ещё маленькой девочкой я бегала босиком по лугам и нивам, среди колыхающейся ржи и васильков.

Пашаш куржталаш бегать на работу;

первый классыш куржталаш бегать в первый класс;

пошкудыш куржталаш бегать к соседям.

Шарнет, Пагул, сар деч варасе жапым? Школыш куржталат ыле. Ю. Артамонов. Помнишь, Пагул, послевоенное время? Ты бегал в школу.

Ямдылкален куржталаш бегать, готовя что-либо;

кычал куржталаш бегать, ища кого-что-л.;

полшаш тӧчен куржталаш бегать, стараясь помочь;

сурт коклаште куржталаш бегать по хозяйству.

Сӧрал чуриян, яжо кап-кылан официантка-влак ик ӱстел гыч вес ӱстелыш куржталыт, буфет гыч тидым-тудым нумалыт. М. Шкетан. Красивые, стройные официантки бегают от одного стола к другому, носят из буфета тс одно, то другое.

Вольык почеш куржталаш бегать за скотиной;

оролен куржталаш (бегать и) следить.

Тылеч вара мыят кӱтӱ почеш куржталаш лектым. О. Тыныш. После этого и я вышел следить за стадом.

Ӱдыр почеш куржталаш бегать за девушкой.

Медучилищыште тунеммем годым кум рвезе почешем куржтачьыч. «Ончыко» Когда я училась в медучилище, за мной бегали три парня.

Курныж теве лап лиеш, теве кӱшкӧ кӱза. Ӱдырын писе шинчаже тудын почеш куржталеш. К. Васин. Коршун то снижается, то взлетает вверх. Зоркие глаза девушки бегают за ним.

Шылын куржталаш избегать; бегать, прячась.

Молан мыланем те ондакак ойлен огыдал, мый тудым тендалан ала-кунамак конден пуэм ыле: ватылан марий деч туге куржталаш ок лий, тугай закон уке. С. Чавайн. Почему раньше вы мне не сказали, давно я вернул бы её вам: жене от мужа нельзя так бегать, нет такого закона.

Составные глаголы:

Тылеч ончыч ямдылыме урлыкашым вигак ӱдымашке колтен шогымо, ынде куснылшо фондыш оптена. «Мар. ком.» Раньше заготовленное семенное зерно сразу отправляли на посев, теперь закладываем на переходящий фонд.

Идиоматическое выражение. Основное слово:

Марла кутыраш говорить по-марийски;

илыш нерген кутыраш говорить о жизни;

йолташ дене кутыраш беседовать с другом;

шинчаваш кутыраш говорить с глазу на глаз.

Сергей шукыжым чодыра ден пӱртӱс нерген кутыраш йӧрата. М. Евсеева. Сергей больше любит говорить о лесе и природе.

Сравни с:

Пырля тунемаш каяш кутыраш договариваться поехать учиться вместе;

калык дене кутыраш обсудить с народом;

директор дене паша нерген кутыраш говорить с директором о работе;

пашадар шотышто кутыраш поговорить о зарплате.

Тылеч ончычат ялыште колхоз вуйлатышылан Пӧтырым шогалташ кутыреныт. А. Тимофеев. И раньше в деревне договорились выбрать председателем Петра.

Сравни с:

Каче дене кутыраш дружить с парнем;

шуко дене кутыраш дружить со многими.

Мемнан ӱдыр-влак дене кутырынеже. Эй, таҥдам шекланыза. А. Волков. Хочет подружиться с нашими девушками. Эй, не упустите своих подруг.

Сравни с:

Пошкудо еҥ «Поро кече, кузе иледа, кутыреда?» манын пелештыш да лопка олымбаке шыман шинче. В. Любимов. «Добрый день, как живёте, здравствуете?» – сказал сосед и осторожно сел на широкую лавку.

Составные глаголы:

Пеледышым кӱраш рвать цветы;

регенчым кӱраш рвать мох.

Тылеч вара чыланат эрйӱдымак йытын кӱраш лекташ тӱҥальыч. В. Иванов. После этого все стали выходить теребить лён ещё с рассвета.

Моткоч устан, лывырге кидышт дене куштылгын авалтен, (ӱдыр-влак) пачашым кӱрыт. Ф. Москвин. Ловко и легко обхватывая своими гибкими руками, девушки теребят посконь.

Ушменыште шӱкым кӱраш полоть свёклу.

Ме ӱмаште колхозлан шӱкшудым кӱраш полшен улына. В. Иванов. В прошлом году мы помогали колхозу полоть сорняки.

Ломбыгичкым кӱраш рвать черёмуху;

шоганым кӱраш рвать зелёный лук.

– Олма але парня вуй гай веле, уже кӱрашат тӱҥалында. Н. Лекайн. Яблоки ещё только с кончика пальца, а вы уже начали рвать.

Комбым кӱраш щипать гуся;

чывым кӱраш ощипать курицу;

пуным кӱраш выщипывать пух.

Лудо пылан кава гыч лум лумеш, пуйто кӱшнӧ, кавапомышто, шуко-шуко комбым кӱрыт. К. Васин. С неба, обволакиваемого серыми тучами, падает снег, будто вверху, в поднебесье, ощипывают много-много гусей.

Ушкал тупышто чаҥа кыртмен-кыртмен кулапым кӱреш. Д. Орай. На спине коровы галка старательно выщипывает вылиняшую шерсть.

Мушым кӱраш дёргать пеньку;

каван гыч шудым кӱраш выдёргивать сено из стога.

Лу шорык ик каваным кӱреш. Тушто. Десять овец выдёргивают из одного стога.

Пылышым кӱраш надрать уши;

ӱпым кӱраш рвать (за) волосы.

(Темит:) Тудо (Якшывай) вигак мыйын пондашыш... Ну кӱреш, ну кӱреш... М. Шкетан. (Темит:) Якшывай сразу же за мою бороду... Ну и рвёт, ну и рвёт...

А Маруся ӱдырын ӱпшым кӱреш. Н. Лекайн. А Маруся треплет волосы девушки.

Йозакым кӱраш драть за ясак;

оксам кӱраш сдирать деньги;

парым шотеш кӱраш содрать за долги.

Пазарыште ложаш индеш теҥгем шога, Панкрат лу теҥгем кӱреш. С. Чавайн. Мука на базаре стоит девять рублей, Панкрат дерёт десять рублей.

(Поп) колышым тоя – оксам кӱреш. Тынеш пурташ – окса кӱлеш, вынер кӱлеш. Колышо дечат, илыше дечат оксам кӱреш. М. Ятман. Поп отпевает покойника – дерёт деньги. Крестить – нужны деньги, нужен холст. Дерёт деньги и от покойника, и от живого.

Составные глаголы:

Идиоматические выражения: