озимь

Шикш нӧлталтеш поднимается дым;

пар нӧлталтеш поднимается пар;

мланде нӧлталтеш поднимается земля;

тулйып нӧлталтеш поднимаются искры.

Вӱдӱмбач тӱтыра нӧлталтеш. В. Иванов. С реки поднимается туман.

Лӱмегож име пычалтар семын вуж-ж йӱлен кая, тулжо фонтанла кӱшкӧ нӧлталтеш. Ю. Артамонов. Хвоя можжевельника быстро сгорает, как порох, огонь, словно фонтан, поднимается вверх.

Пӧрт нӧлталтеш возвышается дом;

курык нӧлталтеш возвышаются горы;

антенн нӧлталтеш возвышается антенна;

пырдыж нӧлталтеш поднимаются стены;

кид нӧлталтеш поднимается рука.

А кызыт пу пӧрт олмыштетше нӧлталтын кӱ корпус кугу. А. Бик. А сейчас на месте деревянного дома поднялся большой каменный корпус.

Улам марий кундем гыч. Нӧлталтын олам Юл вӱд воктенак. А. Селин. Я из краёв марийских. Город мой поднялся над самой Волгой.

Самолёт нӧлталтеш взлетает самолёт;

ракет нӧлталтеш поднимается ракета;

кайык тӱшка нӧлталтеш взлетает стая птиц.

Икмыняр минут гыч кечыйол дене волгалтше лайнер южышко нӧлталтеш. «Мар. ком.» Через несколько минут сверкающий в лучах солнца лайнер поднимается в воздух.

Тылзе нӧлталтеш поднимается луна:

пыл нӧлталтеш поднимается туча.

Ӱжара нӧлталте шийын, шӧртньын, тойын. С. Вишневский. Серебряными, золотыми, бронзовыми искорками поднялась заря.

Вашке кече нӧлталтеш. Е. Янгильдин. Скоро взойдет солнце.

Сравни с:

Завод нӧлталтеш строится завод.

Шуко курым мучко пич малыше, тымарте айдеме кид логалдыме вереш у ола – Комсомольск – нӧлталте. И. Васильев. На глухом, веками дремлющем месте, куда до сих пор не ступала нога человека, поднялся новый город – Комсомольск.

Чодыра нӧлталтеш поднимается лес;

пушеҥге-влак нӧлталтыт подрастают деревья.

Пеледыш-влак койынак нӧлталтыт. В. Иванов. Цветы поднимаются на глазах.

Пасушко ончалат уржа озым тӧшак гай нӧлталтеш. М.-Азмекей. Посмотришь на поле – как перина, поднимается озимь ржи.

Сравни с:

Шудо нӧлталтеш трава выпрямляется.

Тыге ойлымым кольымат, ӱпемат копыж нӧлталте. П. Луков. Услышал такой разговор, и волосы встали дыбом.

Сравни с:

Вӱд нӧлталтеш повышается уровень воды;

пашаштыже нӧлталтеш повышается в должности.

(Элнет) ик суткаште метр наре нӧлталтын. М. Рыбаков. Илеть за сутки поднялась почти на метр.

Черланыше чот ырен кая, температуржат нӧлталтеш. «Мар. ӱдыр.» Больной становится сильно горячим, у него поднимается температура.

Семон пытартыш жапыште чотак нӧлталте. 3а последние годы Семон сильно поднялся в должности.

Сравни с:

Колхоз фермылаште продуктивность нӧлталтеш. «Мар. ком.» На колхозных фермах повышается продуктивность.

Тыште поэт у кӱкшытыш нӧлталтын. М. Казаков. Здесь поэт поднялся на новую ступень.

Айдеме, шкежат шижде шуаралтын, у кӱкшытыш нӧлталт кертеш. П. Апакаев. Человек, незаметно закаливаясь, может подняться на новую ступень (жизни).

Авайынат кумылжо нӧлталте, пӧрт покшек лектын, муралтенат нале. О. Тыныш. У матери поднялось настроение, выйдя на середину комнаты, она даже спела песню.

Тыйым ужын, марий ӱдыр, мыйын шӱм-чон нӧлталтеш. Й. Кырля. Увидев тебя, девушка-марийка, и в душе у меня станет радостно.

Забастовка нӧлталтеш поднимается забастовка.

Марий шемерат эрык верч кучедалмашке нӧлталтеш. Поднимаются на борьбу за свободу и марийские трудящиеся.

У атакыш полк нӧлталте. В. Рожкин. Снова в атаку поднялся полк.

Озанлык нӧлталтеш хозяйство поднимается;

культур нӧлталтеш повышается культура;

активность нӧлталтеш повышаемся активность.

Колхознат койынак нӧлталте. М. Казаков. И наш колхоз поднялся на глазах.

Илыш койын нӧлталташ тӱҥале, куштылеме. М. Шкетан. Жизнь стала улучшаться на глазах, жить стало легче.

Сравни с:

Чап нӧлталтеш растёт слава;

лӱмжӧ нӧлталтеш повышается авторитет.

Паша лиеш гын, чап нӧлталтеш, чин кӱза. С. Чавайн. Будут результаты, поднимется авторитет, будет повышение в должности.

Аяр гай шыде, калык чоныш темын, нӧлталтын кечын, шолын-оварген. М. Казаков. Словно ядом, наполнялась душа народа гневом, разбухая, рос он день ото дня.

Составные глаголы:

Кече нӧлтеш всходит солнце;

ӱжара нӧлтеш занимается заря.

Чынак, мӱндырнӧ изи шем пыл нӧлтеш, оржажат палдырна. А. Асаев. Действительно, вдали поднимается тучка, виднеется даже её загривок.

Чодыра ӱмбак тылзе нӧлтӧ. А. Филиппов. Над лесом поднялась луна.

Сравни с:

Кайык тӱшка нӧлтеш взлетает стая птиц;

самолёт нӧлтеш взлетает самолёт.

Чевер кечын нӧлтӧ Кӱшкӧ кӧгӧрчен. А. Тимиркаев. В солнечный день поднялся ввысь голубь.

Пасушто турий, чокылен-чокылен, кӱшкӧ нӧлтеш. «У вий» С трелью взлетает ввысь жаворонок в поле.

Сравни с:

Шикш нӧлтеш поднимается дым;

пурак нӧлтеш поднимается пыль.

Тулйылме-влак, кӱшкӧ нӧлтын, кававундашым нулат. Н. Лекайн. Пламя, поднимаясь ввысь, лижет поднебесье.

Сравни с:

Озым нӧлтеш озимь поднимается;

пушеҥге-влак нӧлтыт поднимаются деревья.

Тушто шудо сай нӧлтын, кӱтӱм але коштыктымо огыл. «Ончыко» Там трава хорошо поднялась, скотину ещё не пасли.

Сравни с:

Вӱд нӧлтеш вода поднимается;

чин нӧлтеш повышается чин;

мланде нӧлтеш земля поднимается.

Пӱялалтыт Сердыж, Оно, ташла Мушко, нӧлтеш Лаж. В. Якимов. Перекрываются Сердеж, Оно, разливается Мушко, поднимается Лаж.

Сравни с:

Йырым-йыр кӱ полат-влак кава дек нӧлтыт. Г. Чемеков. Повсюду устремились к небу каменные дворцы.

Ялна мучко тыштат-туштат кугу стройко-влак нӧлтыт. «Ончыко» По всей нашей деревне и там, и тут возвышаются большие стройки.

Муро нӧлтеш ширится песня;

йӱк-йӱан нӧлтеш раздаётся шум.

Теве ӱдыр тӧр гыч лекте, муро нӧлтӧ огата. Я. Ялкайн. Вот девушка вышла из-за стола, зазвучала песня пуще прежнего.

Музыкетым нӧлтен шокто, мурышо еҥлан ход лийже. Муро. Играй музыку звонко, пусть будет легко певцу.

Сравни с:

Мардеж нӧлтеш начинается ветер;

поран нӧлтеш начинается метель.

Касвечын нӧлтын сар мардеж. А. Бик. С запада поднимался ветер войны.

Ужат, теве чодыра воктеч поран нӧлтеш. Видишь, вот со стороны леса поднимается метель.

Сравни с:

Кумыл нӧлтын тольым тиде колхоз ялыш. Н. Арбан. Приехал я в эту деревню с приподнятым настроением.

Баян, шокталте, нӧлтӧ рвезе чоным. В. Колумб. Сыграй, баян, развесели душу молодую.

Составные глаголы:

Идиоматические выражения:

Кидым нӧлташ поднимать руки;

нелытым нӧлташ поднимать груз, вес;

краным нӧлташ поднимать кран;

кӱшкӧ нӧлташ поднимать вверх.

Пият почшым кӱшкӧ нӧлта. Калыкмут. И собака поднимает свой хвост высоко.

Упшыжым тудо эре нӧлта, упшыжо эртак вола. Д. Орай. Он всё время поднимает шапку, а шапка всё сползает.

Пуракым нӧлташ поднимать пыль;

рокым нӧлташ вздымать землю;

толкыным нӧлташ создавать волны.

Зимовка покшелне, шем шикшым нӧлтен, кишан пу куатлын йӱла. Н. Лекайн. Посреди зимовки, вздымая чёрный дым, жарко горят смолистые дрова.

Чулым Юл вӱд кашын-кашын толкыным кӱшкӧ нӧлта. А. Тимиркаев. Резвая река Волга время от времени высоко вздымает волны.

Сравни с:

Саварым нӧлташ поднять забор;

вӱдым нӧлташ поднимать уровень воды.

– Эрла тиде корным нӧлташ тӱҥалына, – мане бригадир. – Завтра будем поднимать эту дорогу, – сказал бригадир.

Вуйым нӧлташ задирать голову;

тувырым нӧлташ задирать рубашку.

Мо тыште кечыгут йолашетым нӧлтен коштат. Г. Ефруш. Что ты целый день ходишь здесь, задрав штаны.

Пудыранчыкым нӧлташ поднимать смуту.

Эрыкан атаман тудым тышке – кугыжа ваштареш калыкым нӧлташ колтен. К. Васин. Вольный атаман послал его сюда поднимать народ против царя.

Культурым нӧлташ повышать культуру;

акым нӧлташ повышать цену;

паша лектышым нӧлташ повышать производительность труда;

мастарлыкым нӧлташ повышать мастерство;

квалификацийым нӧлташ повышать квалификацию.

Туныктышо огыл – туныкта, шинчымашым чот нӧлта (книга). В. Орлов. Не учитель – учит, повышает знания (книга).

Кум ий пырля тунемме йолташым первый вашлийме ӱдыр денак вашталтымаш – айдемын чапшым ок нӧлтӧ. В. Иванов. Не прославляет человека то, что он променяет друга, с которым проучились три года, на первую попавшуюся девушку.

Пӧртым нӧлташ строить дом;

олам нӧлташ воздвигать город;

заводым нӧлташ сооружать завод;

оралтым нӧлташ воздвигать усадьбу.

Илем йыр ор саварым нӧлтен. К. Васин. Вокруг жилища он соорудил крепостные стены.

Эше иктаж вич ий сар шога гын, мый кӱ полатым нӧлтем. А. Березин. Продлится война ещё лет пять, я воздвигну каменный дворец.

Доходым нӧлташ поднимать доход.

Мардеж, оза улам мый тылат, садлан полшет колхозым нӧлташ. В. Иванов. Ветер, хозяин я тебе, потому ты поможешь мне поднять колхоз.

Сӧремым нӧлташ поднимать целину.

Тендан таҥаш-влак у олам, сӧремым нӧлтат. З. Каткова. Ваши сверстники поднимают новые города, осваивают целину.

Чаркам нӧлташ поднимать рюмку.

Нӧлтена, йолташ-влак, Келшымаш верч бокалым. М. Казаков. Поднимем, товарищи, бокалы за дружбу.

Йӱк-йӱаным нӧлташ поднимать шум;

тумам нӧлташ затеять ругань.

Йӱк-йӱаным нӧлтен, Сылва велыш вашкат. К. Васин. Поднимая гвалт, они спешат в сторону Сылвы.

Мо те, ушнен веле улыда, тумамат нӧлтеда. А. Волков. Что вы, только что сошлись, а уже поднимаете шум.

Ой, книга, книга, Чылажымат тый кертат, Чыла еҥым туныктет, Чыла еҥым тый нӧлтет. С. Чавайн. Ой, книга, книга, всё ты можешь, всех учишь, всех ты возвышаешь.

Паша айдемым нӧлта, чыла нелым сеҥаш кумылаҥда. К. Васин. Труд облагораживает человека, вдохновляет на преодоление всех трудностей.

(Осып) качыштым пеш нӧлта. Д. Орай. Осып очень хвалит жениха.

Составные глаголы:

Идиоматические выражения:

Нӧргӧ шудо молодая трава;

нӧргӧ лышташ молодой лист; нӧргӧ вож молодые корни;

нӧргӧ куэ молодая берёза.

Нӧргӧ воштыр лывырге. Калыкмут. Молодая ветка гибкая.

Кумда пасушто нӧргӧ озым чонем куандарен кушкеш. Ю. Чавайн. На широком поле растёт молодая озимь, радуя душу мою.

Нӧргӧ падыраш юная крошка;

нӧргӧ йоча юное дитя;

нӧргӧ каче молодой жених.

Эргым, але нӧргӧ улат, мер илыш коклаш ит шупшылт. В. Любимов. Сын мой, ты ещё молод, не лезь в мирскую жизнь.

Ялыште кушкын шудымо рвезе ден нӧргӧ озак-влак веле кодыныт. П. Корнилов. В деревне остались одни подростки и молодые холостяки.

Нӧргӧ кап неокрепшее тело;

нӧргӧ вий неокрепшая сила;

нӧргӧ уш неокрепший ум;

нӧргӧ ваче неокрепшие плечи.

Эртен кодшо жап, самырык нӧргӧ ӱдыржӧ угыч Унавий кокайын ушышкыжо омо семын пӧртыльӧ. А. Юзыкайн. Прошедшее время, неокрепшая молодая дочь, как во сне вновь возникли в сознании тети Унавий.

Кугу пӱрышӧ, нӧргӧ уш-акылын мутшым нелеш ит нал. М. Рыбаков. О великий создатель, прости слова неокрепшего ума.

Нӧргӧ парня гибкие пальцы;

нӧргӧ кыдалан с гибким станом;

нӧргӧ кидан с гибкими руками.

Шытыше уржа ош йӱксӧ гае: нӧргӧ шӱйжым кӱшкӧ шуялта. В. Колумб. Проросшая рожь, словно лебедь белый, тянет кверху шею свою гибкую.

Сравни с:

Нӧргӧ шӱм мягкое сердце.

Мо дене кызыт нӧргӧ кумылет тич темын? А. Иванова. Чем наполнена твоя ласковая душа?

– Самырыкын шӱмжат нӧргӧ, лывырге, – ыштале Матра. П. Корнилов. – У молодых и сердце мягкое, нежное, – сказала Матра.

Сузын шылже чыве шыл гаяк тамле, нӧргӧ. «Ончыко» Мясо глухаря, как и мясо курицы, вкусное, нежное.

Нӧргӧ шудо сочная трава.

Самырык-влакын вийыштым вольыклан нӧргӧ кургым ямдылымашке виктарыман. «Мар. ком.» Усилия молодых нужно направить на заготовку сочных кормов для скота.

Шуко ужалтын нӧргӧ пагытыште... Отечественный сарым коло ныл ияш кошартышым. М. Сергеев. Много пришлось пережить в молодые годы... Отечественную войну я закончил в двадцать четыре года.

Эртен нӧргӧ жап ер воктене, моткоч йӱштылаш йӧратенна. В. Осипов-Ярча. Прошли детские годы у озера, очень любили мы купаться.

Пуйто пырыс удырале каче чонын нӧргыжым. А. Январёв. Словно кошка выцарапала нежность души парня.

Вӱр нугыдемын кровь загустела;

шӱр нугыдемын суп загустел.

Мӱйжӧ кылмен нугыдемын гынат, нулго кишла чолгыж лектеш. С. Чавайн. Хотя мёд от мороза загустел, но вытекает, переливаясь, словно пихтовая смола.

Чодыра нугыдемеш лес густеет;

лышташ нугыдемеш листья густеют;

озым нугыдемын озимь погустела;

ӱп нугыдемеш волосы густеют.

Шоптырвондат нугыдем ужарген. А. Юзыкайн. Кусты смородины, зеленея, погустели.

Тырлен шогале кедр, парчаже нугыдеме. В. Колумб. Выжил кедр, листья его погустели.

Шикш нугыдемеш дым густеет;

пычкемыш нугыдемеш тьма сгущается;

ӱмыл нугыдемеш сгущается тень.

Кас велеш тӱтыра утларак нугыдеме, лу йолтошкалтыш коклаште нимом ужаш ок лий. «Мар. ком.» К вечеру туман ещё более сгустился, ничего не видно на десять шагов.

Кас рӱмбык нугыдеме. А. Филиппов. Вечерние сумерки сгустились.

Йӱк нугыдемеш, пуйто вочко гыч йоҥгалтеш. Ю. Артамонов. Звук густеет, словно раздаётся из бочки.

Гармоньын йӱкшӧ кугемеш, нугыдемеш. Ю. Артамонов. Звук гармони усиливается, густеет.

Озым нугыдын кушкеш. «Ончыко» Озимь растёт густо.

Нугыдын чиялтыме тӱрван ӱдырамашын кидыштыже – кем. «Мар. ком.» В руке женщины с густо накрашенными губами – сапоги.

Кӱшнӧ нугыдын шӱдыр чӱкталте. «Ончыко» На небе густо зажглись звёзды.

Лум нулташ обглодать кость;

колым нулташ грызть рыбу;

пушеҥгым нулташ обглодать дерево.

Сергей, чыве йолым нултымеке, кугызажын подеш шолтымо колым кочнеже ыле. Н. Лекайн. После того, как обглодал ножку курицы, Сергей хотел съесть рыбу, которую сварил дед в котле.

Ош мераҥлан каласена – шопке нулташ ынже кошт. Муро. Скажем зайцу белому – пусть не ходит грызть осину.

Киндым нулташ грызть хлеб;

сукарам нулташ грызть сухари;

шудым нулташ щипать траву.

– Мом кукшу киндым нултеда? – колбасан еҥ колбасажым пыртак тодыльо. Г. Чемеков. – Чего грызёте сухой хлеб? – отломил кусок колбасы человек, у которого была колбаса.

Пасушто ушкал, шорык, имне-влак колдырге коштыт, кылме озымым нултат. Н. Лекайн. На поле тихо пасутся коровы, овцы и лошади, щиплют мёрзлую озимь.

Ойго нулта чоным душу гложет горе;

шӱмым нулта гложет сердце.

Ынде тудын икте веле нулта ушым эр-касат. Г. Матюковский. Теперь его мысли всё время гложет только одно.

Ойго шинчалан ок кой, но шӱм-кылетым нулта. М. Казаков. Горе не заметно на глаз, но гложет душу твою.

Марий шемерым пирыла нултеныт ялысе кулак, вӱр кугыжа, помещик-влак. М. Казаков. Трудящихся марийцев глодали, как волки, деревенский кулак, кровавый царь, помещики.

Саван ачаже мемнам шагал нултен мо? Ожно мыйым аҥа верч кырен да сокыр лийынам. А. Березин. Разве мало истязал нас отец Савы? Раньше он избил меня за землю, и я ослеп.

Ний гаяк нултет. Шешкым эре вурсет. А. Конаков. Грызёшь, как собака. Всё ругаешь сноху.

Ачатын могайжым шинчет вет. Мый чарем гын, вескана мыйым нулташ тӱҥалеш. Д. Орай. Ты ведь знаешь, какой у тебя отец. Если я уйму его, в другой раз он будет грызть меня.

Пычалзе таза шинчан лийшаш, а тыйын шинчатым трахом нулта. М. Шкетан. Охотник должен быть с хорошим глазом, а твои глаза разъедает трахома.

Тиде кокыртыш черак ынде ачажын кӧргыжым нултен пытара. В. Любимов. Этот туберкулёз, видно, сгложет теперь организм отца.

Мый лачак алгебрым нултен шинчем ыле. М. Шкетан. Я как раз сидел и грыз алгебру.

Составные глаголы:

Йӱштӧ дене печкалташ треснуть от мороза.

Воштончыш верын-верын катлен, печкалтын. «Мар. ком.» Зеркало местами откололось, потрескалось.

Тугеже лу печкалтын огыл. Н. Лекайн. Значит, кость не треснула.

Май тӱҥалтыште пушеҥге лышташ печкалте. Ф. Майоров. В начале мая распустились листья деревьев.

Кажне пушеҥгыште лышташнер печкалтеш, пасушто озым ужар тӱс дене шинчам йымыктара. «Мар. ком.» На каждом дереве лопаются почки, на поле озимь зеленью радует глаза.

Эрвел кава печкалтеш, пуйто эҥыж вӱд шыжалтеш. В. Иванов. Небо на востоке озаряется, будто брызжет малиновый сок.

Чодыра шеҥгеч ӱжара печкалте, волгалташ тӱҥале. «У вий» Из-за леса занялась заря, начало светать.

Кызыт йӱд кужу огыл, кас ӱжара ок пыте – эр ӱжара печкалтеш. М. Шкетан. Ночь сейчас не длинная, вечерняя заря ещё не погасла – занимается утренняя заря.

«Чынак, але ме пел пашажымат ыштен шуктен онал. Эн йӧсыжӧ, эн туҥ пашаже але печкалтын веле», – шоналтен Семон. М. Шкетан. «Действительно, мы ещё не выполнили даже половину работы. Самая трудная, самая основная работа ещё только развернулась», – подумал Семон.

Нунын чумыр поэтический мастарлыкышт совет власть жапыште гына печкалтын. С. Черных. Их поэтическое мастерство проявилось лишь в годы советской власти.

Составные глаголы:

Идиоматические выражения:

Кинде пунышкен хлеб заплесневел;

пырдыж пунышка стена плесневеет.

Пунышкаш тӱҥалше олым пуш нерым чыгылта гынат, тӱрвынчаш ом тошт. К. Березин. Начавшая плесневеть солома щекочет в носу, но чихнуть не смею.

Озым лум йымалан пунышкенат кертеш але йӱштӧ кылмыктен локтылеш. Ф. Майоров. Озимь может заплесневеть под снегом, или может её погубить мороз.

Сравни с:

Тыге пунышкашат лиеш так можно и заплесневеть.

(Ведат:) Тендан илышда йӧршешак пунышкен, лӱкӧ купысо лавыра семын ӱпшалтеш. А. Конаков. (Ведат.) Ваша жизнь совсем заплесневела, пахнет, как грязь топкого болота.

Тыште ик шагатым илен, пунышкаш лиеш. Ю. Артамонов. Пробыв здесь один час, одуреешь.

Составные глаголы:

Озым пучаҥеш, вуйымат лукташ тӧча. М. Шкетан. Озимь пошла в трубку, уже начинает колоситься.

Кокияш уржа пучаҥаш тӱҥалын. «Мар. ком.» Озимая рожь пошла в трубку.

Сантиметр кутышан длиной в сантиметр;

сантиметрлан кужурак длиннее на один сантиметр.

Тудо (озым) иктаж коло сантиметр кӱкшыт лийын. С. Николаев. Озимь была около двадцати сантиметров высотой.

Но ушен шым керт – ала-мыняр сантиметр кабель ыш сите. В. Иванов. Но соединить я не смог – не хватило нескольких сантиметров кабеля.

Тичмаш кинде непочатый хлеб;

тичмаш кочкыш нетронутая пища;

тичмаш шоваш полный жбан.

Метрий поҥго кӧршӧкым налын пурыш. Тичмашыжым огыл, послымыжым. «Мар. ком.» Метрий занёс горшок с грибами. Не полный, а початый.

Яра пӱкш огыл, тичмаш кия гын, тудым ур муде ок код. Я. Ялкайн. Если орех лежит не пустой, а целый, то его белка обязательно найдет.

Тичмаш вашмут исчерпывающий ответ;

тичмаш механизаций полная механизация.

(Пайблат) наганым лукто, барабаным пӱтырал ончыш – тичмаш, шым патронге уло. М. Казаков. Пайблат вытащил наган, прокрутив барабан, посмотрел – полный, все семь патронов на месте.

(Оксина) тичмаш курсым пытаренат шуктен огыл. П. Корнилов. Оксина и не успела окончить полный курс.

Тичмаш йӱкын в полный голос.

Кормавечыште первый кече гычак техникым тичмаш куатын кучылташ тыршеныт. «Мар. ком.» С первого же дня на кормовых полях стремились использовать технику на полную мощность.

Тичмаш капан с округлым телом;

тичмаш тӱрван с полными губами.

Тичмаш пырче гыч виян озым лектеш. «Ботаника» Из ядрёного зерна прорастает хорошая озимь.

(Изарка марий-влакын) кочкышышт сай. Садлан шкештат тичмаш коштыт. С. Чавайн. У изаркинцев еда хорошая. Поэтому они и сами полные.

Кушкыл посна органла гыч ышталтын. Нине орган-влак тичмаш организмым ыштат. «Ботаника» Растение состоит из отдельных органов. Такие органы составляют целостный организм.

Тичмаш койыш-шоктышан айдемым сӱретлаш неле паша, маныт. С. Эман. Говорят, что обрисовать человека с целостным характером – дело трудное.

Васлий тичмаш качымарий лийын гынат, пайремлык вургемже уке. Ф. Майоров. Хоть Васлий и стал настоящим женихом, но праздничной одежды у него нет.

(Йыван), тулым пижыктен, ынде мыят тичмаш пӧръеҥ улам маншыла, нугыдо ош шикшым кӱшкӧ пуал колтыш. А. Юзыкайн. Йыван, прикурив и как бы говоря, что и он настоящий мужчина, выдохнул вверх густой белый дым.

Тичмаш антоним абсолютный антоним.

Тичмаш пиал дене ила кажне еш. М. Емельянов. Полным счастьем живёт каждая семья.

Школышто тунемше-влак дене веле тичмаш илыш дене иленам. Ю. Артамонов. Полной жизнью я жил только в школе с учениками.

Окна яндат тичмаш. Ю. Артамонов. И оконное стекло целое.

Кӧгӧн тичмаш, нигушто нимогай кыша. А. Березин. Замок не поврежден, нигде никаких следов.

(Ӱдыр) тичмаш кодын. Ачаж ден аважын йолышт-кидышт кӱрлын. Я. Элексейн. Девочка осталась цела. А у родителей руки-ноги сломались.

Ешыште ӱдырат, эргат лийшаш. Тунам веле еш илыш тичмаш лиеш. Ю. Артамонов. В семье должны быть и дочь, и сын. Только тогда семейная жизнь будет благополучной.

Мыланна ынде тичмаш еҥ лияш ок лий, чон орлык деч молым ме ынде огына уж. М. Шкетан. Нам теперь нельзя стать нормальными людьми, ничего, кроме душевных мук, мы больше не увидим.

Шыже чыла вере тичмаш оза семын пура. А. Эрыкан. Осень приходит как полноправный хозяин повсюду.

Техникын мом пуэн кертмыжым тичмаш кучылташ гын, сеҥымаш мемнан лиеш. Н. Лекайн. Если в полной мере использовать то, что может дать техника, то победа будет наша.

Шӱр кӧршӧк тичмашак ярсен огыл. В. Чалай. Горшок с супом ещё не полностью освободился.

Сравни с:

Вуйыштем ик шонымашат тичмаш кодын огыл, чылажат лапчыкын-лапчыкын кӱрылт пытен. З. Каткова. В моей голове не осталось ни одной мысли полностью, все перервалось (букв. изорвалось в клочья).

Идиоматические выражения:

Йолет тӧрлана. В. Иванов. Нога у тебя поправится.

Тыште (лавыра дене эмлыме верыште) мыняр еҥын тазалыкше тӧрланен, пеҥгыдемын? В. Сапаев. У скольких людей восстановилось, укрепилось здоровье в грязелечебнице?

Сравни с:

Ужат, озым тӧрланыш. А. Ягельдин. Видишь, озимь оправилась.

Йытын кече еда тӧрланен, атыланен кушкын. М. Иванов. Лён с каждым днём становился лучше, рос хорошо.

Игече тӧрланен, мландат топланен. Н. Лекайн. Погода установилась, и земля подсохла.

Корно тӧрланымек, кодшыжым имне дене шупшыкташ лиеш. «Ончыко» Когда дорога улучшится, остальное можно перевезти на лошадях.

Илен-толын, илыш тӧрланен. В. Косоротов. Постепенно жизнь наладилась.

Кум кече паша ыштымек, Сава сай канен. Омыжат тӧрланен. М. Шкетан. Поработав три дня, Сава хорошо отдохнул. И сон у него нормализовался.

Сравни с:

Пошкудем иктаж эҥгекыш логалеш гын, полшаш шонем, вашке тӧрланыже, манам. Я. Элексейн. Если мой сосед попадёт в какую-то беду, то я готов помочь, пусть, думаю, скоро станет на ноги.

(Южышт) мландымат мемнан нарак кучат – тӧрланен огыт керт. М. Шкетан. Иные и земли имеют столько же, как мы, – не могут стать на ноги.

Мый тӧрланенам, нигӧм обижайымаш уке. Б. Данилов. Я исправился, никого не обижаю.

Тӧрланышаш олмеш Эчук утыр локтылалтеш, нигӧм ок колышт. П. Апакаев. Вместо того чтобы исправляться, Эчук все более портится, никого не слушается.

Мый чиен тӧрланем. «Ончыко» Я оденусь, приведу себя в порядок.

Айда, кынел, тӧрлане да тошкемыш каена. В. Косоротов. Давай, вставай, приведи себя в порядок, да пойдём на лужайку.

(Овик:) Изишак пытенат веле ала-мо. (Мичу:) А тый тӧрланенат, шӱжарем. В. Иванов. (Овик:) Ты как будто даже немного похудел. (Мичу:) А ты поправилась, сестричка.

Сравни с:

Сакарын саҥгасе куптыргышо корныжо-влак тӧрланышт. С. Чавайн. Морщины на лбу Сакара разгладились.

Кочкын тӧрланымеке, пашалан пижна. Г. Пирогов. Управившись с едой, мы принялись за работу.

Составные глаголы:

Суртышто эре тума: авалан икте, весе йӧрен огыл. П. Апакаев. В доме всё время ссора: матери не нравилось то одно, то другое.

«Айста тумам она тарвате», – лыпландара чылаштым Йогор вате. «Мар. ком.» «Давайте не будем поднимать скандал», – успокаивает всех жена Йогора.

Сравни с:

Тагановскийын кагазше толмеке, Аркамбалне тума адак чот тӱҥале. С. Чавайн. После поступления бумаги Тагановского в деревне Аркамбал вновь начался сильный переполох.

Кугыжан тӧра-влак, иктаж-могай осал тума деч шекланен, марий мландыште кӱртньӧ ӱзгарым шке ышташ, апшатым кучаш огыт шӱдӧ. К. Васин. Царские чиновники, остерегаясь какой-нибудь нежелательной смуты, запрещают на марийской земле самим производить изделия из железа, иметь кузнецов.

Сравни с:

Ну, тугай тума тарваныш!.. Зонтиканышт, айда, ӱмбакышт шарат да лопкат. Ф. Москвин. Ну, такая буря поднялась!.. Те, что с зонтиками, развертывают над собой зонтики и топают.

Сравни с:

Тума мардеж ураганный ветер.

(Озымлан) тума мардеж дечат, ир покшым, ир шолем дечат серлагышым пуэнат. Кум. мут. Ты защитил озимь и от ураганного ветра, и от жестоких заморозков, и от жестокого града.

Кожлаште лышташлам шергал ончале (кугыза) – яндар курезе тӱвырген кушкеш. М. Большаков. В лесу старик раздвинул листья, посмотрел – дружно растут чистые грузди.

Ужар озым тӱвырген. «Ончыко» Зелёная озимь выросла дружно.

Кап-кылжат шуйналтын, тӱвырген. М. Казаков. И тело его вытянулось, окрепло.

Тушто, теҥыз тӱрыштӧ, тазалык тӱвырга. В. Исенеков. Там, около моря, укрепляется здоровье.

Мастар калыкемын Пашаже ушна, тӱвырга чот тений. А. Тимиркаев. У моего талантливого народа спорится работа, становится весьма плодотворной в этом году.

Составные глаголы:

Лым шылен. Тывик-тавик азым кайыкала. МДЭ. Снег растаял. Местами видна озимь.

Сравни с:

Юрым вычышна. Тӹдӹжӹ тывик-тавик шӹведӓльӹ дӓ цӓрнӹш. МДЭ. Мы ждали дождь. Он же покрапал редкими каплями и перестал.

(Черлын) илышаш кечыже уло гын, тырла. Д. Орай. Если больному суждено жить, поправится.

Сравни с:

Имнет кияр гай тырлыш, мыйын – лямкаш кержалте. Я. Элексейн. У тебя лошадь стала полной, круглой, словно огурец, у меня – повисла на лямках.

Марий калык! Тыйын пӱжвӱдет дене тӱрлӧ ситмыж-влак тырлышт. С. Чавайн. Марийский народ! Твоим потом жирели всякие негодяи.

Сравни с:

(Олюк) йӱштӧ оҥышкыжо возын, ала тырла манын, йӧратыме марийжым кужун кычкырен, шортын пӧрдалын. В. Сапаев. Олюк, упав на холодную грудь мужа, долго звала его, плакала, надеясь, что оживёт.

Мланде ырыме дене олмапун тушманже – шукш-влак тырлат. Б. Данилов. Земля разогреется, и оживают гусеницы – враги яблони.

Сравни с:

Чыла тырла, чыла турка, ужар пӱртӱс виян лектеш. В. Сави. Всё восстановится, всё выстоит, зелёная природа выйдет сильной.

Ончет, яришка тӱшкан шыдышт турла, тырла ял ӱмбалне важмалдык чапемже. В. Колумб. Глядишь, стихнет гнев голытьбы, в деревне восстановится моя пошатнувшаяся слава.

Сава тырлен ыш керт, сурт погыжо тоштак кодо. М. Шкетан. Сава не смог окрепнуть, его имущество осталось прежним.

Айдеме шочеш, ила, тырла. Г. Ефруш. Человек рождается, живёт, крепнет.

Сравни с:

Вожаҥше кушкылым, ик вер гыч шӱдырен луктын, вес верыш шындаш гын, шагалже годым тырла. Ф. Майоров. Если укоренившееся растение, вытащив с одного места, пересадить на другое, то оно редко приживается.

Озым вашкерак атылана, тырла. «Мар. ӱдыр.» Озимь быстро разрастётся, приживётся.

Сравни с:

Ужын пеледалтме тӱсым, Даже шоҥго-влак тырлат. Сем. Николаев. Видя цветущую природу, даже старики оживляются.

Сравни с:

Составные глаголы:

Люся ямы, тырлыш тӹдӹн мырыжат. А. Канюшков. Погибла Люся, умолкла и её песня.

Картузшым кыдашал, вуй мычашкыжы лӱктӓлят, халыклан тырлаш пӓлӹм пуш. Н. Игнатьев. Он, сняв картуз, поднял его над головой, дал знак народу утихнуть.

Сравни с:

Кӱртньӧ тырма железная борона;

пу тырма деревянная борона;

тырмам шупшаш тащить борону.

Неле тырма дене озымым локтылыда. Н. Лекайн. Тяжёлыми боронами повредите озимь.

Еш – тиде тырма дене чодыраш пурымо гаяк. В. Дмитриев. Семья – это всё равно что и забираться с бороной в лес.

Сравни с:

Тырма корно след бороны;

тырма раме рама бороны.

(Изибай) тырма пӱйым рӱчкала. Я. Элексейн. Изибай трясёт зубья бороны.

Тырмалыме годым пурак тӱргалтеш – кинде ок шоч. Пале. При бороновании вздымается пыль – хлеб не уродится.

Уржа озым тырмалыме деч вара ятыр шуйнен, шарлен. А. Ягельдин. Озимь ржи после боронования значительно вытянулась, разрослась.

Сравни с:

Саван шинча ончылно уржа озым, ужаргын-кандалгын койын, кече ваштареш мардеж дене шияҥеш, кушкеш. М. Шкетан. Перед глазами Савы озимь ржи серебрится от ветра на солнце, растёт, выглядя зеленовато-синевато.

Уржам ӱдаш сеять рожь;

уржам тӱредаш жать рожь;

шышталге уржа восковая рожь;

шытыше уржа проросшая рожь.

Уржа деч ончыч шӱльым огыт тӱред. Калыкмут. Овёс не жнут раньше ржи.

Марий кӱчызылан ик кормыж уржам пуа. Т. Евсевьев. Мужик подаёт нищему одну горсточку ржи.

Уржа пырче ржаное зерно;

уржа олым ржаная солома;

уржа озым озимь ржи;

уржа ложаш ржаная мука.

Мочол сылне кеҥежым уржа пасушто! С. Музуров. Как прекрасно летом на ржаном поле!

Шужа гын, уржа киндат калач лиеш. Я. Ялкайн. Если проголодается, и ржаной хлеб покажется (букв. будет) калачом.

Идиоматические выражения: