туге

Туге ойлаш так говорить;

туге ышташ поступать таким образом.

Ялсовет вуйлатыше туге кӱштен: мыланем коваште, а тыланет – шыл. М. Шкетан. Так велел председатель сельсовета: мне – шкура, а тебе – мясо.

Кузе шонем, туге илем. В. Исенеков. Как хочу, так и живу.

Туге лыжган так мягко (вежливо);

туге чот так сильно.

(Зоя:) Теҥгече Орина тыйым туге вучыш... А. Волков. (Зоя:) Вчера Орина так тебя ждала...

Туге ане так, да;

туге дыр наверно, да;

туге шол да, действительно;

туге вет так ведь.

«Туге, чыла тиде сай», – Саня эркын пелештыш. М. Евсеева. «Да, всё это хорошо», – медленно произнёс Саня.

Туге, Аймет, туге: илыме годым илыман. А.Бик. Так, Аймет, так: живёшь – надо жить.

Сравни с:

Идиоматические выражения:

«Йӧра, туге лийже», – Стапан мане. А. Асаев. «Ладно, пусть будет так», – сказал Стапан.

«Ну, туге лийже, вара мо?» – Орловат кынел шолале. А. Асаев. «Ну, допустим, ну и что?» – и Орлов поднялся.

– Ончыкыжат юмо-пӱрышӧ полшен шогыжо, – мане (Лазыр). – Туге лийже, мутет ӱлыкӧ ынже воч, – ышталеш Саванай. Н. Лекайн. – Пусть и впредь всевышний помогает вам, – сказал Лазыр. – Да будет так, пусть твои слова сбудутся, – отвечает Саванай.

Идиоматическое выражение. Основное слово:

Ала тыйын кӧргыштет ачатын вӱржӧ модеш? Туге гын тылечет шекланыде ок лий. П. Корнилов. Возможно, в тебе играет кровь твоего отца? В таком случае тебя нельзя не остерегаться.

Идиоматическое выражение. Основное слово:

Чодыра пеш шыгыр, корно неле. А шӱм мура туге гынат… С. Вишневский. Лес очень густой, дорога трудна. Однако сердце поёт…

Идиоматическое выражение. Основное слово:

Селиванов плитам тыге-туге савыркален онченат, верышкыже шынден. П.Корнилов. Селиванов так и этак повертел плиту и поставил на место.

Тыге-туге ондален, паша ыштымым монден, илен от керт куанен. Г. Микай. Так и этак обманывая, забыв про труд, не можешь жить, радуясь.

Ну, тиде (погынымаш) тыге-туге эртыш. М. Шкетан. Ну, собрание прошло так себе.

(Маймыл) пайдам вигак ыш муат, тыге-туге ончалят, шинче чакналтен. Г. Микай. Обезьяна, не найдя вовсе пользы, поглядев туда-сюда, уселась, попятившись.

Кузе лие туге ыштылаш делать как придётся.

Кузе уке гын как же иначе.

(Осяндр:) А кузе уке гын? Баш на баш! А. Волков. (Осяндр:) А как же иначе? Баш на баш!

Идиоматическое выражение. Основное слово:

Озамбайыштыжак индешле индеш суртлан иктаж кудыт-шымытше гына поянын иленыт, молыжо тыге да туге шуйкален иленыт. Д. Орай. А в Озамбае на девяносто девять дворов примерно лишь шесть-семь жили богато, остальные жили, перебиваясь так и сяк.

Идиоматическое выражение. Основное слово:

Кузе шонеда? как вы думаете?

кузе тыге как так;

кӧлан кузе кому как;

кузе илет? как поживаешь?

(Левентей кугыза) Сакарлан кузе лӱйышашым ончыктыш: «Теве тыге викте, тыге ончо». С. Чавайн. Дед Левентей показал, как стрелять: «Вот так целься, так смотри».

Кузе ынде уэш имнян лияш? Н. Лекайн. Как теперь вновь завести лошадь?

Чапле скрипка. Кузе моторын чиялтыме. Н. Арбан. Прекрасная скрипка. Как красиво выкрашена.

Ох, кузе мӧҥгӧ пурымо ок шу. В. Иванов. Ох, как не хочется заходить домой.

Кузе? Мо шот дене? М. Шкетан. Как? С чего это?

Кузе? Олю деч посна мылам сайрак лиеш? Й. Ялмарий. Как? Без Олю мне будет лучше?

Кузе толын?.. Кӧ конден? С. Чавайн. Как приехал?.. Кто привёз?

Кузе кушто? Шормучаште. Й. Ялмарий. Как где? В Шормучаше.

Кузе шыргыжеш! Как улыбается!

Кузе нелын умылтара как тяжело объясняет.

Ах, кузе йӧндымын лекте. П. Корнилов. Ах, неприятно как получилось.

Ай, кузе сайын лудеш. В. Исенеков. Ай, как хорошо читает.

Калык кузе, мыят туге. О. Тыныш. Как народ, так и я.

– Ӱдырым кондаш кӱлеш, – ышталеш Епрем. – Тудо кузе ойла, пален налман. Н. Лекайн. – Надо девушку привести, – говорит Епрем. – Надо узнать, что она говорит.

(Пасэт:) Кузежым ом пале. Н. Арбан. (Пасэт:) А как – того не знаю.

Шот дене ыштыман, шоныман: кузежым, мом да можым кузе? И. Иванов. Надо делать как следует, думать надо: как и что, и что как?

Идиоматические выражения:

Туге, лаваса! Конечно, так!

Тыште огеш лий гын, нуно уездный судыш шуктат, а мландым налде огыт чакне, лаваса. Н. Лекайн. Если здесь не получится, то они дело доведут до уездного суда, конечно, пока не получат земли, не отступят.

Туге шол, пычкемыш улына, лаваса. О. Шабдар. Да так, конечно, мы тёмные.

Мераҥ лӱдшӧ огыл, лаваса, укем ойледа. Я. Ялкайн. Заяц ведь не трус, небылицу рассказываете.

Уна толеш гын, мом пукшем, мом йӱктем? Лаваса гын, лаваса. Ю. Артамонов. Если придёт гость, чем накормлю, чем напою? Кошмар же, кошмар.

Тиде эртен кодшо лавасам кызыт шарнаш кӱлешыжат уке ыле. «Мар. ком.» Вспомнить сейчас о минувшем кошмаре не было необходимости.

Пӧрт гыч лекташ выйти из дома;

чодыра гыч лекташ выйти из лесу.

Омаш гычын поче-поче латкок еҥ лектеш. С. Чавайн. Из шалаша выходят друг за другом двенадцать человек.

Апаев машинам шогалтыш, кабин гыч лекте, капотым почо. П. Корнилов. Апаев остановил машину, вышел из кабины, открыл капот.

Машина дене каяш лекташ выехать на машине в путь;

яраимньын лекташ выехать верхом.

Эр кочкыш деч вара кок имнешке корнышко лекте. В. Юксерн. После завтрака два всадника выехали на дорогу.

Ик ула почеш весат кудывече гыч лекте. К. Васин. Одна за другой выехали подводы со двора.

Марийже (война гыч) толмеке, (Анна) паша гыч лектын. П. Корнилов. После возвращения мужа с войны Анна ушла с работы.

Тыманмешке пастух гыч лек, да тыйын олмеш адак Санюк шогалже. Н. Арбан. Немедленно уходи с пастухов, а твоё место пусть займет Санюк.

Тюрьма гыч лекташ выйти из тюрьмы;

колхоз гыч лекташ выйти из колхоза.

(Павлуш мечым) логалтен ок керт гын, модыш гыч лектеш. В. Сапаев. Если Павлуш не сможет попасть мячом, то выйдет из игры.

1942 ийыште, госпиталь гыч лекмеке, мый Арзамас олашке логальым. М. Казаков. В 1942 году, выписавшись из госпиталя, я попал в город Арзамас.

Ик тукым гыч лекташ происходить из одного рода.

Тиде легенде пеш шукерте ожнак марий ден удмурт ик еш гычын лектыныт манын ончыкта. К. Васин. Эта легенда говорит о том, что давным-давно марийцы и удмурты произошли из одной семьи.

Торкансола ялын лӱмжӧ кушеч лектын, нигӧ каласен ок керт. Ю. Артамонов. Откуда произошло название деревни Торкансола, никто не может сказать.

Кид йымач лекташ выйти из-под гнёта.

– Туткар гыч лекташ ик йӧн уло, – ойла умбакыже Зыков. В. Юксерн. – Выйти из затруднения есть один способ, – говорит Зыков.

Ял озанлык вияҥе. Укеан-влакат поян кид йымач лектыч. Д. Орай. Окрепло сельское хозяйство. И бедняки вышли из-под гнёта богачей.

(Алгаев:) Икманаш, тый героиня лийын пӧртылынат, а мый первый тылзыштак строй гыч лектынам. Н. Арбан. (Алгаев:) Одним словом, ты вернулась героиней, а я в первый же месяц вышел из строя.

А тыглайжым олаште кино ынде модо гыч лектын. В. Косоротов. Между прочим, в городе кино сейчас вышло из моды.

Куралаш лекташ выйти пахать;

пашашке лекташ выйти на работу.

Шудо шуын. Марий-влак, савам нумалын, олыкышко лектыт. С. Чавайн. Наступил сенокос. Мужики с косами выходят на луга.

– Ме, йолташ, Йошкар-Ола гыч изи экспедицийыш лектынна,– Юра Николай Венедиктовичлан умылтараш пиже. А. Айзенворт. – Мы, товарищ, вышли в небольшую экспедицию из Йошкар-Олы, начал объяснять Юра Николаю Венедиктовичу.

Шӱргыжӧ (Тюлькинын) кок могырыш кержалт кеча, мӱшкыржӧ тагынала ончыко лектын. Н. Лекайн. Щёки Тюлькина свисают с обеих сторон, живот выступает вперёд, как лоток.

Шолып паша, шочшем-влак, кунам-гынат тӱжвак лектеш. Б. Данилов. Скрытые дела, дети мои, когда-нибудь да выйдут наружу.

Пашаште ситыдымашат чараш лекте. Н. Лекайн. Обнаружились и недостатки в работе.

Эрыкыш лекташ выйти на свободу;

чыныш лекташ оказаться верным;

айдемыш лекташ выйти в люди.

Тыге тудо, тулык рвезе, совет властьлан кӧра у илыш-корныш лектын. М. Казаков. Так он, сирота, благодаря советской власти вышел на новый жизненный путь.

Туге гынат шошо агам эртарымаште ончыл верыш лекна. М. Шкетан. Тем не менее в проведении весеннего сева мы вышли в передовые.

Отставкыш лекташ выйти в отставку;

заслуженный канышыш лекташ выйти на заслуженный отдых.

(Марпа:) Яша, ават пенсийыш лектын манын колынам ыле, чынак мо? К. Коршунов. (Марпа:) Яша, я слышала, что твоя мать вышла на пенсию. Это правда?

Ковышта озым лектын взошла капустная рассада.

Шӱльӧ шукертак ӱдалтын, нержат лекташ тӧча. А. Айзенворт. Овёс давно посеян, уже появляются всходы.

Поча эҥер вес велне кукурузшо сай лектын, а кумшо участкыште нимо шот уке. П. Корнилов. За рекой Поча кукуруза взошла хорошо, а на третьем участке никакого толку.

Кече але лектын огыл, эр юалгыште могыр сӱсана. М. Шкетан. Солнце ещё не взошло. Телу зябко от утренней прохлады.

Кузе кече лекте, туге пӱртӱс ылыже. Ю. Артамонов. Как только взошло солнце, так и ожила вся природа.

Вӱр лекмешке до крови.

Эйно нимом вашешташат ыш пале. Шинчавӱдшӧ лекте, тудым иктат ынже уж манын, вуйжым кумык сакыш. В. Иванов. Эйно не знал, что и ответить. У него выступили слёзы, чтобы никто их не увидел, он наклонил голову.

Мичун шӱргыжлан шокшын чучо, саҥгашкыже пӱжвӱд шырча лекте. Б. Данилов. Щекам Мичу стало жарко, на лоб выступили капли пота.

Чӱнча лектын появился прыщик.

Нерем кокша лекмыла пеҥаш тӱҥале, койын овара. В. Орлов. В носу стало ныть, как будто на нём выскочил чирей, и начал заметно опухать.

Лектеш йоҥго муро йол йӱк ден пырля. О. Ипай. Рождается песня звонкая в такт ритму шага.

Оҥай почеламут лекте, газетеш печатлалте. М. Казаков. Получилось интересное стихотворение, напечатали в газете.

Йомшо вашкӱзӧ лектын ножницы нашлись.

Кеҥежымат паша пытыдымын лектеш. А. Эрыкан. Без конца находится работа и летом.

Шонымаш лекте появилась мысль (идея).

Мутшат ала-кушеч лектеш – чыла вӱдла йога. Н. Лекайн. И слова берутся откуда-то, словно текут ручьи.

Мемнан чонна вӱд гай яндар, ойгыжо кушеч лектеш. Муро. Наша душа чиста, как вода; отчего же появляется горе?

Арня еда лекташ выходить еженедельно.

Икмыняр кече гыч классыште пырдыжгазет лекте. Б. Данилов. Через несколько дней в классе вышла стенгазета.

Совет властьын первый ийлаштыже тӱрлӧ олалаште марла газет ден журнал-влак лекташ тӱҥальыч. С. Ибатов. В первые годы советской власти в разных городах стали издаваться марийские газеты и журналы.

Шукат эртен огыл, пакчам иземдыме нерген у закон лектын. А. Асаев. Прошло немного времени,и вышел новый закон об уменьшении плошади огорода.

Йӱк-йӱан лектын поднялся шум.

Кенета мардеж лектеш. Рвезын кушкедалт пытыше вургемжым ловыкта. М. Евсеева. Вдруг поднимается ветер. Он треплет изорванную одежду мальчика.

Ынде йодыш лектеш: почеш кодмаште кӧ титакан? М. Иванов. Возникает вопрос: кто виноват в отставании?

Пар (пуш) лектеш идёт пар.

– Тулым олташ гын, шикш лектеш, тушман ужын кертеш. В. Иванов. Если развести огонь, пойдёт дым, враг может заметить.

Барак покшелне шинчыше кӱртньӧ коҥгаште пу пытен. Шокшыжат ок лек. Э. Чапай. В железной печурке, стоящей посреди барака, сгорели дрова. И тепло не идёт.

Кум окна уремыш, кокыт кудывечыш лектеш. В. Юксерн. Три окна выходят на улицу, два – во двор.

Сайыш лекташ сделаться хорошим.

Мутат уке, Викентий Ивановичын туныктымо класслаж гыч ятыр ончыл, лӱман, тале врач, инженер лектын. В. Косоротов. Слов нет, из тех классов, где обучал Викентий Иванович, вышло много передовых, знаменитых людей, искусных врачей, инженеров.

Икманаш, мый дечем шӱвырзӧ ыш лек. Ю. Артамонов. Одним словом, не получился из меня волынщик.

Шӱлят первый бригадын веле латкок центнер лектеш. С. Элнет. И овса выходит по двенадцать центнеров только у первой бригады.

Висышым, кажне ушкал деч куд литр утларак лекте. М. Иванов. Измерил я, от каждой коровы получилось больше шести литров.

(Яшайын) пашадарже чумыржо шӱдӧ теҥге лектеш. С. Чавайн. В целом у Яшая заработок выходит сто рублей.

(Презын) саҥгаже ошо, лачак нер тураштыже гына шеме. Тӱкыжат лекташ тӱҥалын. М. Казаков. Лоб у телёнка белый, только на носу чёрное. И рога начали появляться.

Толеш шошо, кажне укшеш ужар лышташ лектеш. М. Иванов. Придёт весна, на каждой ветке появятся зелёные листочки...

Кенеж кече шыже велыш шуйныме гай чучмо годым, лыжга леве йӱр деч вара, тӱрлӧ поҥго лектеш. М.-Азмекей. В пору, когда чувствуется переход лета к осени, после тихих, тёплых дождей, появляются разные грибы.

Лач тунамже Эмекеевлан вучыдымо чарак лекте: фермыш пучым конден ышт шукто. П. Корнилов. Как раз тогда для Эмекеева возникло неожиданное препятствие: трубы не успели завезти на ферму.

(Андрей:) Справке лийже, пенсий лектеш. А. Волков. (Андрей:) Была бы справка, пенсия будет.

Муным ырыктыде, чывиге ок лек. Калыкмут. Не нагревши яиц, цыплят не выведешь.

Авашт умылтарыш: муно-влак ик семын ырышт, нунын кӧргышт гыч лудиге-влак ик жапыштак лектышт манын, лудо шке йымалныже кийыше муно-влакым пудыратылеш. Е. Янгильдин. Мать им объяснила: утка постоянно мешает под собой яйца для того, чтобы они грелись одинаково, и чтобы потом утята вылупились враз.

Пыдал налшат лийын: «Тудо (Зина) але самырык, уш-акыл пӱйжат лектын огыл». Были и заступники: «Зина ещё молода, и зуб мудрости у ней ещё не прорезался».

Тудо мланде ончычшо арендыште лийын. Аренде срокшо тений гына лектын. Н. Лекайн. Та земля раньше была отдана в аренду. Срок аренды истёк только в этом году.

Висен лекташ промерить, измерить;

лудын лекташ прочитать, прочесть;

корен лекташ прочертить.

Нуно ноен огытыл, кеч-могай нелылыкым сеҥен лекташ ямде улыт. М. Иванов. Они не устали, готовы осилить любые трудности.

– Пу, уло возымым вошт окен лектам. К. Васин. – Дай, прочту всё написанное.

Йодышт лекташ опросить (всех или многих);

ончен лекташ просмотреть, обозревать (всё, всех);

палемден лекташ переметить, пометить (всё, всех).

Лийын лекташ получаться (неожиданно);

миен лекташ очутиться, набрести на что-л.;

каталт лекташ отломиться, отколоться;

шелын лекташ расколоться.

Теве, ӱчым ыштымыла, ала-кушеч вараш толын лекте. Н. Лекайн. Вот, как назло, откуда-то появился ястреб.

Мален лекташ переночевать;

шинчен лекташ отсидеть, отбыть наказание;

йӱдвошт кутырен лекташ проговорить всю ночь.

Ачат декат пурен лекташ кӱлеш. П. Корнилов. И к твоему отцу надо забежать.

Йоген лекташ вытекать, истекать;

куржын лекташ выбежать;

нушкын лекташ выползти.

Эчан модаш кая – шырчык почешыже чоҥештен лектеш. А. Айзенворт. Эчан выходит играть – скворец вылетает за ним.

Составные глаголы:

– Каменщик лиймемлан ом ӧпкеле, специальностьым йӧратем да кӱлешлан шотлем. Г. Чемеков. – Я не каюсь, что стал каменщиком, специальность мне нравится и считаю её нужной.

(Шумелёв:) Иктаж вич минут гыч ода шалане гын, ӧпкелаш тӱҥалыда. Н. Арбан. (Шумелёв:) Если не разойдётесь минут через пять, то пожалеете.

Вашлиймаш пырт кӱчымын лекте, туге гынат (Елук) нимончат ок ӧпкеле. Ю. Артамонов. Встреча вышла немного скомканной, однако же Елук нисколько не сожалела.

Ит ӧпкеле тыге ойлымемлан, улыт эше тугай еҥ-влак. А. Мурзашев. Не обижайся на то, что я говорил, есть ещё такие люди.

Кызыт кайык гай улам: куан уло гын, муралтем, уке гынат, нигӧлан ом ӧпкеле. М. Шкетан. Я сейчас как птица: если радость – пою, а нет – ни на кого не обижаюсь.

– Нылымше автобусым вучем, нигузе шинчын ом керт, – ӧпкела шеҥгелне шогышо шоҥго еҥ. «Мар. ком.» – Жду четвёртый автобус, никак не могу сесть, – жалуется старый человек, стоящий сзади.

Туге гынат, манам, тазалыклан ӧпкелымаш уке. М. Шкетан. Тем не менее на здоровье, говорю, не жалуюсь.

(Проска:) Виешак наҥгаяш пижыда гын, манам, вара шканда шке ӧпкелыза. К. Коршунов. (Проска:) Если насильно увезёте, то пеняйте на себя.

Почеш ӱдем гын, тый ӧпкелен кертат ыле. Н. Лекайн. Если бы я поздно посеял, ты мог бы упрекать.

– Ваштарым шелын мошташ кӱлеш, – умылтара Фёдор Терентьевич. – Кузе шонет, туге шелат гын, ечет кузе шона, туге полдалга. Й. Осмин. – Клён нужно уметь колоть, – объясняет Фёдор Терентьевич. – Если расколешь как попало, и лыжи твои как попало покоробятся.

– Мом вара кызыт ачаледа? – йодам мый. – А теве тидым, – апшат мыланем ала-могай куртньӓ йытырым ончыктыш, – полдалген, тӧремдаш кӱлеш. С. Вишневский. – А сейчас что ремонтируете? – спросил я. – А вот это, – кузнец мне показал какой-то стержень, – искривился, нужно выпрямить.

Сравни с:

Первый жапыште ватыж дене коктын пеш келшен илышт, но икана Онтон полдалгыш: – Тачак Больницыш кай, мылам йоча ок кӱл. В. Дмитриев. В первое время вдвоём с женой жили очень дружно, но однажды Онтон вышел из себя: – Сегодня же иди в больницу, мне не нужен ребёнок.

Пунчеж комыля свилеватое полено;

пунчеж куэ свилеватая берёза, берёза со свилью.

Тунам адак шарна ушем Пунчеж пушеҥге гае жапым. М. Казаков. Тогда я опять вспоминаю время, похожее на свилеватое дерево.

Сравни с:

Пунчеж йоча непослушный ребёнок.

– Туге, туге, тый шокшо верым муынат. Мемнан Йыван гына пунчеж айдеме. Нимолан артамже уке. М. Казаков. –  Так, так, ты нашёл себе тёплое место. Только наш Йыван своеобразный человек. Ни для чего нет толка у него.

(Пӧкла:) Эше могай пунчеж! Кӧн гай тыгай лийын? В. Косоротов. (Пёкла:) Ещё какая упрямая! В кого такая уродилась?

(Сава:) Мыйжым молан кырет? (Осып:) Кадырет ден пунчежетым виктарем. А. Березин. (Сава:) Меня-то зачем бьёшь? (Осып:) Твою кривду и упрямство выпрямляю.

Сайын пӱсешташ оттачиваться хорошо;

шумымо дене пӱсешташ заостриться отточкой.

Руэн-руэн, товар пӱсештеш гына. Если много рубить, топор только оттачивается.

Пӧрьеҥ нимат ыш вашеште, шинчаончалтышыже гына пӱсеште. В. Иванов. Мужчина ничего не ответил, только взгляд у него заострился.

Туге гынат нигунам пойдарыдыме таза ушыжо эркын-эркын пӱсештын, математикымат, моло наукымат сеҥен кертын. М. Шкетан. Несмотря на это, его ум, никогда до сих пор не загружаемый, понемногу заострялся, смог осилить и математику, и другие науки.

Колхоз-влакым организоватлаш тӱҥалмеке, ялыште класс кучедалмаш койынак пӱсештын. А. Асылбаев. После того, как стали организовывать колхозы, классовая борьба в деревне заметно обострилась.

Руштмекше, Метри Сапанын йылмыже пӱсештеш, вӱд гай мушкеш. И. Иванов. Когда Метри Сапан пьянеет, у него язык становится острым, слова льются что вода.

Пашаште пӱсешташ стать быстрым в работе.

Келшыш мо мемнан такмак? А туге гын, пӱсешташ ушно вашкерак, йолташ. З. Краснов. Наша песня по душе ль? Коли так, спеши, мой друг, быть проворным ты быстрей.

Смотри также:

Составные глаголы:

Молан вӱдшым чаманет? Краным пӱтырал колтышыч, ужат, мыняр кӱлеш, тунар толеш. Ю. Артамонов. Почему воду жалеешь? Повернёшь кран, видишь, пойдёт столько, сколько надо.

Пеш огеш колышт гын, пылыш воктен пӱтырал колто, тудым мом ончет. О. Шабдар. Если не слушается, надери ему уши, что на него смотришь.

Тиде пӧрьеҥет вужга ӧрышыжым пӱтырал колтыш да «докладшым» тӱҥале. Г. Чемеков. Этот мужчина загнул свои пушистые усы и начал «доклад».

Пасушто шинчам почаш ок лий, мардеж лумым пӱтырал-пӱтырал колта. На поле не открыть глаз, метель иногда так закрутит снег.

Мӱшкыр торешныже нимат уке, туге гынат, ала-можо корштыктара, пӱтырал-пӱтырал колта. «Мут. орл.» В желудке ничего нет, но отчего-то больно становится, временами схватывает живот.

(Тайра) кузе Вачайым ужылалтыш, туге чеверген кайыш, шӱмжӧ пӱтырал колтыш. Д. Орай. Как только Тайра увидела Вачая, она покраснела, у неё сжалось сердце.

Составной глагол. Основное слово:

Тыге илаш жить так;

тыге ойлаш сказать так;

тыге шонаш думать так.

Шаҥгак тыге кӱлеш ыле. П. Корнилов. Давно надо было так.

Тыге лу кече эртыш. В. Иванов. Так прошло десять дней.

Тыге сылнын столь красиво;

тыге чаткан так стройно;

тыге эр столь рано.

Ну, молан тыге шыдын ойлашыже? В. Юксерн. Ну, почему так зло разговаривать?

Кузе тыге вучыдымын лийын кайыш? Н. Лекайн. Как это произошло столь неожиданно?

Сравни с:

Уке, тидым тыге кодаш ок лий. А. Волков. Нет, этого так оставить нельзя.

Сравни с:

Тыге, мый физкультура ваштареш ом шого. М. Шкетан. Так, я не выступаю против физкультуры.

Тыге, Мельшин йолташ, тыге. Тый чылт мый шонымемак возенат. С. Чавайн. Так, товарищ Мельшин, так. Ты написал как раз то, что я думаю.

Сравни с:

Идиоматические выражения:

Йолыш чияш надеть на ноги, обуться;

пижым чияш надеть варежки;

пальтом чияш надеть пальто.

Марина вес кыдежыш каен, тӱрлыман ош тувырым чийыш, пеледышан порсын шовычым пиде. В. Иванов. Уйдя в другую комнату, Марина надела белое вышитое платье, повязала цветастый шёлковый платок.

Ик йолеш кок портышкемым огыт чие. Калыкмут. На одну ногу не надевают два валенка.

Кӧржым чияш надеть серьги;

шергашым чияш надеть кольцо.

(Илалше пӧръеҥ) кынел шогале, гимнастёрко кӱсен гыч шинчалыкым луктын чийыш. П. Корнилов. Пожилой мужчина поднялся, достал очки из кармана гимнастёрки и надел.

Эрдене, ечым чиен, илем йыр лектым. М.-Азмекей. Утром, надев лыжи, я вышел за околицу.

Шокшын чияш одеться тепло;

вашталтен чияш переодеться.

Кузе ила, туге чия, кузе чия, туге ила. Калыкмут. Как живёт, так одевается, как одевается, так живёт.

Ӱдыр-влак содоррак чият да занятийыш куржыт. В. Косоротов. Девушки спешно одеваются и бегут на занятие.

Кеҥеж еда бульвар ужар сывыным чия, тӱрлӧ пеледыш дене моторештеш. М. Сергеев. Каждое лето бульвар одевается в зелёный наряд, украшается разными цветами.

Олыкат, пасуат ик тӱсым нальыч, ош шовырым чийышт. В. Иванов. И луга, и поля приобрели один цвет, оделись в белый наряд (букв. шабур).

Составные глаголы:

Вараже, урзыж дене коштал, туге тамлын, туге чонканышын йӱын колтыш Юл вӱдым, пуйто тыгайжым нигунамат, нигуштат тамлен огыл. А. Юзыкайн. А затем, зачерпнув пригоршней, с таким наслаждением, с таким удовольствием выпил волжской воды, будто такую не пил никогда и нигде.

(Ачинын куваже:) Туге, туге! Ынде ом йӧрӧ улмаш, ынде шӱкыш лектым, ой, юмыжат! Я. Ялкайн. (Жена Ачина:) Так, так! Оказывается, теперь я не гожусь, теперь стала ненужной, о, боже!

Идиоматическое выражение. Основное слово:

Изам мыйым туге вачем гыч авалтен шындыш, вачемат шодыр шоктыш. Брат мой так обхватил меня за плечи, что даже затрещали кости.

Составной глагол. Основное слово: